Xogo e cultura
para naturalizar a infancia

A Cooperativa Miudiño nace do mundo da ilusión e dos soños, alimentada de tres grandes paixóns: a infancia, a natureza e o patrimonio cultural, que combinados entre sí van dando vida a todo o que facemos: música, contos, obradoiros, xoguetes, patios e espazos de xogo.

Cé Orquestra Pantasma

Nenos, nenas, vellos e vellas levan gozado a mans cheas das súas propostas polas máis destacadas feiras, festas, festivais e romarías populares do país.
Coa música como elemento común, Cé orquestra pantasma ofrece varios formatos individuais ou combinables entre si.

Obradoiros

Miudiño ofrece obradoiros para nenos, nenas, vellos, vellas e para todos aqueles que queiran poñer ao alcance das súas mans a creación de brinquedos tradicionais e a experimentación sonora con elementos naturais.

Espazos de Xogo

Apostando pola necesidade do xogo libre con material natural de calidade, ofrecemos diversos espazos de xogo, baseados ben no brinquedo tradicional ben no material natural non estruturado, para deleite e convivencia de toda a xente grande e pequena que neles queiran participar.

Educación Ambiental

Amamos e protexemos aquilo que coñecemos. Con Diego García recuperamos a voz dos contadores de historias, creamos, descubrimos fermosos percorridos e temos axuda para a xestión de estupendas hortas, sabendo que só mediante o coñecemento vivencial da natureza poderemos chegar a vivir en harmonía.

Patios Vivos Miudiño

Renaturalización e enriquecemento das propostas de xogo nos espazos exteriores fan que poidamos embarcarnos nesta travesía de cambio educativo, apoiándonos na Psicoloxía e na Educación Ambiental.

Fabricación de Xoguetes

Conxugamos artesanía con seguridade e sustentabilidade, apostando polo mundo natural, tanto nos materiais empregados coma nos acabados. Os xoguetes feitos en materiais nobres ofrecen peso, olores, temperatura e textura que estimulan a discriminación sensorial, o coñecemento do medio e a transmisión de valores.

Editorial

Dando vida ás ideas e inquedanzas que xorden nas nosas cabezas, con moita calma e agarimo, con moita música e fermosos sons, editámolas para compartir con toda a xente que con nós queira gozar e, con ritmo e alegría, nun novo mundo, bailar.

Apostamos por unha vida respectuosa e sostible,
promovendo un achegamento á natureza e ao xogo libre.

Noticias e novidades

Pai e fillo subidos abrazados a unha árbore

Adultas, infancia e natureza

Sabemos da necesidade de unir infancia e natureza para un desenvolvemento óptimo das nenas e nenos que criamos e educamos, mais cal é o noso rol como persoas adultas nesta relación?

Na relación adulta-natureza, para nós é importante a reflexión sobre tres conceptos relacionados: o respecto, o disfrute e o coñecemento. Lanzámosvos algunhas cuestións que esperamos que vos axuden a definir onde estades!!!

Ler máis